fbpx

الحملات الاعلانية و طرق نجاحها

البيع مقابل النقرات او المصطلح اللي بنطلق عليه الاختصار بتاع الـ PPc  و هو الجيل أو المستوي التاني من الديجيتال ماركتنيج ، و اللي علي فكرة ملوش أي علاقة بـ Sem  لا من قريب ولا من بعيد سوي إنه التغطية العملية للإطار النظري بتاع SEM  و إن القلش الرخيص بتاع إن الحملات الاعلانية مجرد بانر و هوب دبل كيك عملت ppc أو pay per click  دا هري سيبك منه .. كل حملة إعلانية علي أي platform  ليها قواعد و أساسات و توجيهات و ياريت لو تدعمه بدراسة سوق قبل الحملة الاعلانية بتاعتك ، يعني أولاً لازم تكون عارف مفهوم المنتج اللي بتقدمه و ال proudact  دا موديه لمين ؟! مينفعش تسوق مكياج مثلاً و أدوات تجميل لفئة دون 14 سنة ، و لا تسوق عقارات في مناطق زي الواحات ، و لا تسوق سياحة في بلد فيها نزاع و حروب ، دراسة السوق بتديك المعايير دي ، و مش بس كدا إنت لازم تحاول تستهدف الـ Age  او تنوع في استراتيجيات الاستهداف بتاعتك بدءً من انك تستهدف بالفئة العمرية و النوع مرة ، و إنك تستهدف بالمناطق مرة ، و إن إستهدافك بيتحكم فيه مجموعة عوامل هنبدء ندرسها بالتفصيل ..

جوجل أد وردس 

و هي الاعلانات اللي بيتم توجيها لمحرك البحث مبُاشرة عن طريق مسك كلمات مفتاحية متوجه نحو بلد أو مدينة معينة ، و هي الكلمات اللي الزائر بيبحث عنها في محركات البحث و دي جوجل بتحاسبك عليها بالكلمة و بترسخ مفهوم البيع مقابل النقرة ، و بمعني أصح علي قد ما هتدفع هتاخد ، و بيضمن وصول الكلمة المفتاحية بطريقة ممولة عن طريق المواقع اللي بيكون متفعل فيها أدسنس و هي المساحات الاعلانية اللي أصحابها بيقدموا طلب إنضمام و هنتكلم بالتفصيل عن جوجل أد واردس ، و بطريقة ما جوجل بيبدء يتتبع سلوك زائر الصفحة لحد ما يوصل لإهتمامه ، يعني انت مثلاً لو بتدور علي موبيلات بكلمات مفتاحية او عن طريق الـ activety بتاعتك علي الانترنت بتلاقي إن الاعلانات اللي بتظهر لك هي إعلانات خاصة بالمجال اللي أنت فعلاً مهتم بيه .

الحملات الاعلانية علي السوشيال ميديا campaings Ads

بكل مقاييس البحث العالمية و هندسة المواقع و عن طريق مثلاً موقع إليكسا أو موقع سويشال باكيرز الشهير هتلاقي إن الـ social media chanels  هي المهيمنة و المسيطرة علي كل محركات البحث و هي المنصة الاولي للي بنسميه الــ Aduince activety  و إن تطور الموبايلات و التابلت و النوتز و الايفون ساهم في تكوين ثقافة التواصل الاجتماعي و السويشال ميديا ، مش بس كدا دا كمان مقدار التقدم في ثقافة البيع و الشراء أونلاين و هو الامر اللي ادي لإنتشار ثقافة تانية و هي ثقافة التسويق عبر منصات التواصل الاجتماعي و اللي بتجعلك متحكم في ظهور الاعلان و طرق الاستهداف ، إما عن طريق الفئة العُمرية ، أو الاستهداف من خلال الجنس و السن و الفئة و المكان و و كمان الفيس بك بيعمل علي إنه يطور خصائص الاعلانات زي إنه يعمل Exclude  لفئات معينة  و دا اللي خلانا مثلاً نستهدف دول معينة و نستثني منها فئات محددة زي الوافدين علي البلدة أو استثناء سكان بلد عايشين مغتربين ، كل العوامل دي ساعدت علي إننا نحط قواعد عامة للتسويق عن طريق الحملات الاعلانية عن طريق الفيس بوك و الاعلانات المدفوعة ..

خطوات هامة نحو بناء حملات إعلانية ناجحة : 

 

  • قبل أي شيء لازم تعرف هتعمل حملة إعلانية علي إيه ؟! هل علب مقال و لا عرض ولا علي فيديو و لا منتج و طبعا دا اللي بيتم تحديده عن طريق المنتج نفسه يعني مثلاً مجال العقارات محتاج تعيشه جوة الشقة اللي بتسوق ليها ، يعني لازم تعرضها فيديو أو GVF بحيث إنك تكون أخدته جوة الوحدة نفسها ، و تكون كونت فكرة عامة ووريته محتوياته و بالتالي نسبة التفاعل بتكون عالية جداُ  و لو بتسوق مثلاً أداوات تجميل لازم تسوق عن طريق صور بألوان و تصميم بناتي و هكذا ..
  • التصميم الفريد ، يكاد يكون نجاح حملتك الاعلانية هو المبني علي إزاي تم تصميم الحملة نفسها و ايه الرسالة اللي وصلتني لما شوفت التصميم ، يعني مثلاُ الفيس بوك خصصلك 20 % للكلام فقط و النص المكتوب و ساب مساحة عظمي للصورة عشان تخليك تبدع في التصميم و يكون المنفذ الابداعي فيه ، تصميم الحملة و تصميم المواقع بيدل حتماً علي صاحبها ، هي دي واجهة شركتك ، و هي دي الشكل النهائي اللي هتخرج بيه للناس و المرحلة اللي الناس و الزوار هيشوفوك بيها ، لازم يشوفوك ديماً بشكل إبداعي .
  • الرسالة المتضمنة في الاعلان ، لو تخيلنا إنك سايق بسرعة 180 كم /س و بتشوف حواليك يافطة معمولة بتصميم معين و الشيء الاكيد هو إنك هتكون سايق بسرعة فمعدل نظرتك علي الاعلان لن يتعدي ثانية ، تخيل إن في شركات من اللي بتصمم offline campaing  بتكون مركزة بصورة كبيرة علي الثانية اللي إنت هتشوف فيها الاعلان و بتحاول إنها توصلك الرسالة في الثانية دي ، و غالباً بتكون رسالة بصورة يعني عشان الرسالة دي توصل في الثانية اللي هتتشاف فيها ، و الفِكر التسويقي الابداعي هنا بيكون معتمد علي إيضاح الرسالة ببيدهيات الملاحظة ، يعني لازم متاخدش وقت عشان الفكرة توصل لان أساساً مفيش وقت للي بيشوفها علي  طرق سريعة ، و قمة نجاج المصمم و الماركتير هو اللحظة اللي الزائر بيعدي فيها من نفس المكان و هو فاكر الاعلان .
  • الميزانية الخاصة بالحملة الاعلانية : و دي اللي إنت بتحاول فيها تعرف إنت هتصرف كام و هتكسب كام و هل إنت أصلاً موجه الحملة الاعلانية عشان تكسب و لا الهدف منها إنك تبني Brand name  أو عاوز توصل اسمك مش تكسب، و المكسب مش شرط يكون مادي ممكن تكسب إنك تتعرف ، أو تكسب إنك تنتشر ، أو تكسب إنك تنزل بحملة تختبر بيها السوق و هنا إرجع لرقم واحد فوق .
  • تابع رد الفعل و ديماً اعمل الحاجة اللي تبني لك Gurilla marketing يعني بإبسط التكاليف تبني Brand Name ولو نلاحظ إن مثلاً كوكاكولا بتعتمد علي بناء ثقافة الاجيال و بتحاول توصلك تطور ال Proudact ب التتابع في الاجيال و إن إزاي كان أبوك و جدك و أبو جدك كانو بيستخدموا نفس المنتج فأنت تتأثر عشان يكسبوا 😀
  • اخيراُ و دي مهمة جداً و هي حالة تغير نمط التسويق بتاعك ، مرة تنزل بحملة عن طريق فيديو ماركتينج و مرة تنزل بـ Content marketing و مرة تنزل بـ Banner offline و مرة تنزل بـ Design علي السوشال ميديا ، و لما تكون في بداية الموسم لمنتجك حاول توفر الدعاية الكافية لكل دا مع بعضه و متحاولش تسوق لمنتجك من خلال منافسيك ، يعني متقلدش ، هنا هنتعلم إزاي توصل التسويق لمرحلة التسويق الابداعي ، لو المقال عجبك متنساش تشيره لصحابك عشان يستفادوا .
      Compare items
      • Total (0)
      Compare
      0