fbpx

نظرة عامة علي تحديثات جوجل في عشر سنوات

كتب : محمد كامتشو

نظرة عامة علي تحديثات جوجل في عشر سنوات

تحديثات جوجل هي بمثابة إنتظار و بحث من كل مصممي و مهندسي و مسوقي المواقع الالكترونية في العالم ، لما جوجل بتبدء تقول في تحديث نازل الكل بينتظر التحديث علي أمر من الجمر ، مش بس عشان هما خايفين ليفقدوا جزء كبير من ترتيبهم لا دا كمان الامر متعلق بالفلوس ، كل ما بتخسر ترتيب ، بتخسر فلوس  ، لما تكون في المرتبة الاولي في مجال معين بتفضل تحارب عشان متخسرش مكانك ، و بتفضل تحارب أكتر عشان متخسرش فلوس ولا تخسر حتي ترتيب بيجيبلك زيارات ، أو تخسر كلمات مفتاحية إنت قوي فيها ، فاكر سنة 2012 لما جوجل نزلت تطبيق باندا 3:1 كان قالب موازين التسويق الالكتروني ، و كان قايم جداً علي فكرة المحتوي ، و إستثني فيها المواقع العالمية اللي قايمة علي ثوابت المنتج ، لعل الامر كان صعب جداً علي مواقع مستحملتش الطفرة دي ، و لا إستحملت الهزة دي فوقعت وفي شركات إنهارت و شركات أصبحت عالمية ، عشان كدا بنركز هنا في سويشال ماركتينج علي مواكبة التطورات اللي بتنزل من جوجل ، بيتك القوي بيبدء من الموقع بتاعك ، قوتك هي القوة اللي إنت بتستمد منها منهجك ، إبني بيتك و قويه و لو جه زلزال أو عاصفة يبقي أنت قوي برضو ، عشان كدا جوجل إتحول من الاوف بيدج للأوبن بيج ، الاهتمام بالمحتوي ثم المحتوي ثم المحتوي ، و بعد كدا أي حاجة تانية .

تحديثات جوجل من سنة 2002 و هي واخدة إطالاات مختلفة و متعددة ، الامر اللي إتحوّل مع الوقت لمنهج ، و إحنا بنقسم التحديثات بالشكل العام للتحديث و الاطار اللي بتاخده في حالة التحديث ، مثلاً من 2002 لحد سنة 2005 هنلاقي إن جوجل كانت مهتمة جداً بمجال البوك ماركس و الفهرسات المُتعلقة بعالم الويب ، و اللي قايم علي الاهتمام بالبعد الارشيفي في جوجل و دا اللي كان محور الاهتمام وزيادة المساحات التخزينية ، و السعة العامة للهوست و الدومينات يعني البداية في التحديثات كانت علي نطاق جوجل نفسه .

بعد سنة 2005 بدء جوجل ياخد نطاق تاني و هو الاهتمام بالإشارات الدالة علي المواقع فبدءت الكلمات المفتاحية تدخل بقوة في عالم السيو ، و كمان ظهرت جوجل ماب ، أو الخرائط الخاصة و المتعلقة بالارشفة عند جوجل ، وكان الهدف هو إن البحث يكون في الاطار الجغرافي عشان جوجل يضمن وصولك للي بتدور عليه في نطاقك ، يعني كان الهدف الاكبر هو الوصول لإكبر  درجة من درجات البحث الصحيح .

في سنة 2012  -2013 بدء جوجل البطريق و جوجل باندا يطبق نظرية القبعة السوداء في المواقع و يوقع عقوبات صارمة في حق المواقع اللي بتهتم فقط ببناء الروابط الخلفية علي حساب المحتوي و ظهر عندنا مفهومين ، الوايت سيو هيت ، و البلاك سيو هيت و اللي بيتحدد هو المحتوي ، هل موقعك فعلاً ذو قيمة ؟! ولا مجرد موقع لجلب الزوار و سياسات الباك لينكس الخاطئة ، اللي بتقول لإصحاب المواقع لا تكونوا مزعجين في بناء الروابط و لجوجل جُمل شهيرة جداً أبرزها ” إن قوتك يمكنها أن تتحقق بمِقدار وجود الزائر و مدي إستفادته ، من الاخر يعني أنت كل شغلك الشاغل لازم يكون في الافادة منه من خلال المحتوي الجيد اللي بتقدمه .

من أبرز إضافات جوجل هي معاقبة المواقع ذات السلوك الالي في التناول و الاضافة، و هديك مثال ، لو إنت صاحب موقع جوجل بيشوفك كل يوم بتبني محتوي و بتبني باك لينك علي الموقع بتاعك فالطبيعي إنك تكون “إنسان ” في سلوكك ، يعني تبني في اليوم 5 أو 6 روابط بشكل صحيح ، طب لو جه يوم لقاك باني 100 رابط في اليوم مرة واحدة ؟! عناكب البحث مش بس بتشك فيك لا دي  بتعتبرك ألة ، و الالة و جوجل مش بيجتمعوا أبداً ، بالعكس جوجل بيعاقبك و بيعتبرك بتنتهك سياسته ، الافضل إنك تكون ” طبيعي ” .

في سنة 2014 ظهر بقوة تحديث جوجل الطنان ، أو طائر جوجل و اللي كان من شأنه إنه يزيد سرعة الارشفة الخاصة بالمواقع ، بجيث تحتل مراتب كبيرة و مُتسارعة في عناكب البحث ، وقايمة من خلاله علي علي ظهور نتائج البحث في المراتب الاولي ، و دا من خلال الربط الجغرافي اللي كنا إتكلمنا عليه قبل كدا ، و الربط دا قايم علي التفرقة بين ما هو موجه ةوغير موجه ، يعني ممكن تكون في مصر بس موجه موقعك للخليج ، و دا الربط الجغرافي و اللي جوجل حلته من خلال الخرائط الخاصة بجوجل ماب .

دلوقتي رواد المواقع بينتظروا تحديث أخر في خوارزمات جوجل و بينتظره الكثير من رواد المواقع ، و بخوف شديد يتراجعوا  مرة تانية في محركات البحث و يخسروا المزيد من الفلوس و أعتقد إن التحديث هيكون له علاقة بمعاقبة المواقع الغير مهتمة بسياسات جوجل ورد برس .

      Compare items
      • Total (0)
      Compare
      0