fbpx

ماهو الجديد فى عالم تصميم المواقع

تصميم مواقع الانترنت … تطوير الويب … تطور التكنولوجيا … لسه فاكرين اول اصدار للفوتوشوب طيب لسه فاكرين بداية موقع الفيس بوك في 2004 . ؟

دلوقتى تطورت مواقع الانترنت وتطورت تقنيات البرمجة والتصميم , بقيت أروع . شىء جميل أنك تبتكر ثورة جديدة أو أنك تكون عنصر مساعد في تطوير مواقع الانترنت والانترنت عموما وبالأخص المحتوى العربي اللى بقى ضعيف جدا جدا جدا .

أهم شئ انتشر فى الفترة الأخيرة , التصميم المسطح أو الـ Flat Design ثورة خلقتها مايكرسوفت :

بداية الفلات ديزاين كيف كانت؟ . إنتشر الفلات ديزاين في 2013 (اواخر 2012) واللى اخترعته مايكروسوفت في ويندوز 8 في قائمة إبدأ .

الفلات ديزاين هو التصميم الأنيق واللى مش بيعتمد على الواقعية واللى معروف  بـ REALISM . وزى ما بيتقال البساطة هي الحل . اصبحت أغلب المواقع دلوقتى بتعتمد على التصميم ده من ناحية الجمال ومن ناحية  البساطة .

التصميم المتجاوب مع كافة الشاشات أو ما يدعى بـ Responsive Design :

التصميم المتجاوب (Responsive Design) هي المواقع اللى بتشتغل على الهواتف الذكية من غير خروج النص او التصميم عن الإطار الخاص بالموبايل او التابلت من الاخر فى حدود الشاشة من غير سكرول بار…

التصميم المتجاوب (Responsive Design) ماكنش حد بيهتم بيه كتير او يديله اهتمام كبير في عالم الويب او تصميم المواقع . لكن دلوقتى إرتفعت نسبة المواقع المتجاوبة وحسب إحصائيات جوجل لسنة 2013 فإن نسبة 46 % من الناس بيستخدموا الموبايلات والتابلت في تصفح المواقع. علشان كده بقى مهم جدا ليك انك تخلى موقعك متوافق مع كل أحجام ومقاسات الشاشات والأجهزة الذكية .

 الصورة قبل كل شئ :

الصورة هي اللى بتتكلم ! مع انتشار أنواع وطرق وسائل الإعلام، و الاتجاه بقى قوى جدا.  الصورة، الفيديو، التوضيح، بيانات التصميم، كل دى عناصر ممكن أنها تدلك على النظرة الصحيحة من الرسالة علشان توصل المعلومة الصحيحة في نظرة واحدة وفى لمح البصر. وخصوصا على الموبايل لأن شاشته غير ملائمة لقراءة النصوص الطويلة.

التصميم البياني أو ما يعرف بالـ Data Design :

بقى مهم جدا فى الفترة الاخيرة بعد تحديثات اللوغريتمات بتاعت جوجل ان محتوى موقعك لازم يكون محتوى حصرى ومش متكرر فى موقع تانى او منقول من موقع تانى وفى نفس الوقت لازم يكون بنسبة معينة فى الصفحة بس فى النقطة دى احنا بنتكلم عن التصميم البيانى او المعروف ب الداتا ديزاين وده مرتبط بمواقع معينة بس بطريقة ما بيعوض مشكلة النص القليل عندك وبيعوض جزء من الصور فى موقعك.

وفى النهاية لازم تبقى عارف ان كل يوم فى جديد ولو مالحقتش تتابع الجديد والتحديثات الشبه يوميه يبقى هايفوتك كتير وناس كتير غيرك هاتسبقك وتطور وانت قاعد مكانك وده بيخسرك كتير فاذا كنت حابب تدخل المجال يبقى لازم لازم لازم ماتملش من انك تذاكر كل جديد وتتابع وتعرف ايه اخر التطورات وتحدث نفسك اول بأول ..

العالم بيتقدم بسرعة رهيبة لو مالحقتوش هايفوتك وهايسبقك والطريق هايبقى طويل عليك وصعب وفى الاخر لكل مجتهد نصيب … محدش بيتعب ببلاش.

ارجوا انى اكون وفقت بالشرح … تابعونا لكل جديد فى عالم تصميم المواقع

      Compare items
      • Total (0)
      Compare
      0