fbpx

عوامل الصعود في محرك البحث اليوتيوب

سؤال بيطرح نفسه كتير جداً لخبراء الديجيتال ماركتينج ، هو فعلاً اليوتيوب منصة تسويقية نقدر نستفاد بيها في المبيعات المُباشرة ، ولا هو مجرد أداة مهمة للبراندينج البيور بس ؟!
بالطبع في الوضع في الاعتبار التغيرات التسويقية الخاصة بالمُنتج نفسه ، و مثلاً أنا لو بسوق لشركة ديجيتال أو منتج رقمي عكس ما كون بسوق لفكرة معينة ، و إتفقنا علي إختلاف تعريفات المنتج اللي بنقدمه كقيمة خدمة أو فكرة أو مُنتج و دا اللي غيّر الاتجاهات التسويقية فعلياً ، في الفترة دي كان اليوتيوب بيتصاعد في مصر عشان يواكب حالات الديجيتال ماركتينج ، لحد ما بقي تاني أكبر محرك بحثي في مصر و مُعدلات المُشاهدة فيه بتوصل لملايين المُشاهدات الشهرية و أصبح المحتوي العربي علي اليوتيوب أهم و أكبر من زمان ، و الحق يتقال إن جوجل إدت الموضوع حجمه و أصبحت محركات البحث و النتايج اللي بيطلعها اليوتيوب هي عامل من عوامل النتائج البحثية علي جوجل ، و بالاضافة لإن العوامل اللي أدت لتطور الميديا عامةً في مصر هي أحد أبرز الاسباب اللي خلت الميديا تاخد حقها في التسويق ، و لدرجة إن اليوتيوب هو المحرك الاول في مصر للفيديوهات متفوقاً علي بلاتفورمس كتيرة زي إنستجرام .
و بالتالي السؤال مش محتاج إجابة .. طبعاً اليوتيوب بيمثل قيمة تسويقية رهيبه ، و زي ما قلنا في مقالة قبل كدا إن العوامل المؤثرة في ترتيب موقعك هي نفسها العوامل المؤثرة في السيو النصي ، و من أبرز و أهم الحاجات اللي لازم نهتم بيها ” العنوان ” الخاص بالفيديو و اللي لازم يكون بيحتوي علي الكلمة المُفتاحية الخاصة بك ، و عنوان الفيديو هو العامل الارشيفي الخاص بجوجل و الاقوي علي الاطلاق و هو الامر الخاص بالمزاد ، و بالاضافة للمشاهدات .
تاني حاجة هي الترجمة الخاصة بالفيديو ، أيوا بالظبط زي ما قريت كدا ،، من أبرز العوامل المؤثرة في الترتيب الخاص بالفيديوهات هي إحتواء الترجمة علي الكلمة المٌفتاحية الخاصة بيك و جوجل فعلياً إهتمت بالعامل دا كعامل بيدي قوة في الكواليتي الخاص بالفيديو .
التاجات و اللي بتُعد من أكثر 3 عوامل مُساعدة في رفع ترتيب موقعك و اللي لازم ميقلش في الفيديو الواحد عن 15 تاج مُختلف و لكن بكلمات مٌفتاحية مدروسة ، و التاجات دي خاصة واحدة من أشهر العوامل المؤثرة في الترتيب و اللي بتحدد علي أساساها قوة الترتيب الخاص بيك ، ولازم تكون منوع بين الكلمات التاج بين النمط الطويل و النمط القصير ، و الكلمات المٌفتاحية العربية و الانجيلزية داخل المحتوي .
الصورة التوضيحية للفيديو ، و دا بيسبب 60 % من قرار انك تشوف الفيديو ، و فيديوهات كتيرة بتجيب رانك عالي بسبب صورها التوضيحية فقط ، و ممكن نقول ان العوامل اللي بتساعد علي الزيادة السريعة في الارشفة هي :
1- المحتوي
2- العنوان
3- وصف الفيديو
4- التاجات
5- الترجمة
6- السوشال سيجنالز .
السوشيال سيجنالز حدوتة كبيرة برضك ، و هي الاشارات اللي بتيجي لقناتك علي اليوتيوب ، و اللي بتُعتبر أحد أبرز و أقوي الـ Backlinks الخاصة بالموقع ، و موضوع الفيديوهات اللي بيتم نشرها علي السوشيال ميديا بدء يتوزع بشكل كبير ، و أصبح المحتوي علي الفيسبوك بشكل فيديو بينتشر بشكل فيروسي و بيتعدي ملاين المُشاهدات للفيديو الواحد ، و أصبح الفيس بوك بيحتوي علي الالاف الفيديوهات و بيحط الفيديو كأحد سٌبل الدعاية للشركات و لكل اللي بيعمل براندينج .
هنكلمكم في مقالة تانية إزاي تعمل قناة إحترافية و تعليها و تفعّل فيها الربح ، و ازاي تستثمر قناتك عشان تجيب زيارات لموقعك .

      Compare items
      • Total (0)
      Compare
      0