fbpx

طريقك لاحتراف تصميم المواقع – تحويل التصميم الى Html

طريقك لاحتراف تصميم المواقع – تحويل التصميم الى Html

اهلا بيكم مرة تانية مع تانى درس من دروسنا فى سلسلة احتراف تصميم المواقع

نبدأ على بركة الله ونقول بسم الله اللى بدأناه فى السلسلة واسف اذا كنت بتأخر عليكم بسبب ضغط الشغل اعتذار واجب ولازم نقوله ندخل فى الموضوع

ثالثا : طريقة تحويل التصميم الى html 

فى المرحلة دى هانقوم بأختصار بتحويل التصميم بتاعنا اللى عملناه على الفوتوشوب الى صفحة انترنت html عادية وعلشان نعمل كده لازم الاول تبقى عارف كام حاجة وفاهمها كويس ….

1- استخدام الفوتوشوب علشان نحول التصميم لملف html 

وهنبدأ هنا بالطريقة السهلة وهيا اننا هانستخدم الفوتوشوب فى تحويل التصميم لصفحة انترنت عن طريق وظيفة من الوظائف المتاحة عندنا فى الفوتوشوب الخاصة بتحويل التصميم لصفحة ويب والى حد ما هي طريقة سهلة وبسيطة بس لازم نكون عارفين حاجة كويسة جدا وهيا ان علشان تخرج الملف لصفحة ويب من الفوتوشوب لازم …

– نعمل عمليه تقسيم التصميم الى شرائح أو قطع slices بأداة ال Slice فى الفوتوشوب بحيث يتم حفظ كل صورة متحددة بشكل مستقل كملف jpg او png ويتم انشاء ملف html يربط بين الشرائح دى ويعرضها زى ما هيا في التصميم الاصلي تماما

وهنا هنأجل التطبيق العملي فى المرحلة دى لوقت قصير لغاية ما ننزل دورة شاملة توضح كل شىء بالتفصيل

2- إتعلم اساسيات لغة html 

مهم جدا اننا نفهم ونعرف لغة HTML وهي اختصار (Hyper Text Markup Language) وهي لغة ترميز مش لغة برمجة زى ماهو للاسف منتشر بين الناس مش مطلوب منك هنا غير انك تتعرف عليها وفهمها بشكل مبسط علشان تقدر تعدل وتتحكم بصفحة الويب الخاصة بيك

وعلشان تفهم لغة html فهي ببساطة الكود الخفى لصفحات الويب او بمعنى اصح الباك ايند لكل صفحة ويب بنشوفها قدامنا لما بنتصفح الانترنت فهي من الداخل عبارة عن مجموعة من الرموز البسيطة بتحدد نوع الخط مثلا ولونه وهكذا

وعلشان تتعلم لغة html بأبسط طريقة تقدر تتصفح الدورة دى من الموقع ده

3- إتعلم أساسيات CSS:

لغة ال css هي اختصار ل (Cascading Style Sheet) وهي لغة تتخصص في تظبيط شكل الصفحة وتنسيق شكل المكونات من جداول وصور وخطوط ونظرا لتطوير الويب بقت من الضروري انك تتعلمها وتتقنها كويس علشان يبقى موقعك متوافق مع احدث معايير صفحات الويب

وعلشان تتعلمها تقدر تدخل على الرابط ده

4- إتعلم برامج إدارة المواقع 

من أهم برامج ادارة المواقع والتعامل معاها عندنا برنامج dreamweaver بحيث نقدر من خلاله نعدل محتويات صفحة الويب وتعديل كود html الخاص بيها ونرفع الملفات على الانترنت وكتير من الميزات الممتازة اللى موجودة فيه

وده رابط هتلاقى فيه حاجات كتير تقدر تفيدك وتعلمك الدريم ويفر

http://111000.net/wdesign/dreamweaver/173-dwvideo/dwvcourse/430-dwv1

وبكده نبقى عرفنا الخطوات اللى هانبتدى نذاكرها ونركز عليها بشكل نظرى فى الفترة اللى جاية من خلال النقط اللى اتكلمنا فيها ويارب تكون الروابط اللى نزلناها تكون مفيدة ليكم وبالتوفيق للجميع ان شاء الله وبأنتظاركم فى الدروس القادمة ان شاء الله.

      Compare items
      • Total (0)
      Compare
      0