fbpx

خطوات مهمة لازم تعملها قبل ماتبدأ فى اى تصميم

خطوات مهمة لازم تعملها قبل ماتبدأ فى اى تصميم

أوقات بيكون انك تبدأ فى تصميم فكرة اعلانية جديدة اسهل بكتير من انك تفتح ملف جديد فى الفوتوشوب و الفكرة بتيجيلك فى ثواني معدودة ومش بتبقى عارف هيا جت ازاى اصلا أو ممكن يعدى علينا أسبوع واحنا  بنفكر بشيء مميز لتصميمنا أو ممكن تجيلنا الفكرة لكن متعرفش هاتبدا منين أو معندكش الدافع انك تبدأ أصلاً أياً كانت الحالة اللي بتمر بيها في آلاف النصائح المختلفة علشان تبدا في عملية التصميم
لكننا احنا هنا هانكتفى ببعض النصايح التي قد تكون وسيلة كويسة وسهلة للبدء …

1 – ابتدى الاول بمصدر الهامك

قبل ماتمسك الماوس أو تبتدى ترسم على الورق أو حتى أنك تفتح ملف جديد فى الفوتوشوب حاول أن انت تدور فى التصاميم العالمية وتتفرج على تصاميم تانية مشابهه لعملك أو حتى غير مشابهه حاول أنك انت  تعرف اللى المفروض انك تعمله واللى مش مفروض تعمله ..اعمل فولدر وحط فى الصور والتصميمات اللى عجبتك لانها هاتساعدك فى الالهام وتجميع الافكار

2- التنظيم

مهم جدا قبل ماتبدأ أنك تعرف طلبات العميل بالضبط وبشكل كامل وأنك تجمع كافة المعلومات  اللي هاتحتاجها وحتى الأدوات والبرامج اللي هاتستخدمها وترتيب أولويات العمل فمثلاً إذا كان المطلوب منك( بوستر – كرت فيزيت – شعار – عرض فيديو دعائي – تصاميم مغلفات – واجهة موقع … ) الأفضل أنك تبدأ بالشعار أولاً  لأن باقى الشغل معتمد عليه مثلاً البوستر والكرت وبعدين العرض الدعائي وهكذا ….

3-  الكمبيوتر والنت مش كفاية

حاول أن تأخذ جولات فى المدينة والأسواق أو حتى فى الحدائق العامة ، قرب البحر ، وفي الهواء المهم أنك تكون خارج نطاق عملك المباشر .. الخطوة دى ليها أهمية إبداعية كبيرة بطريقة غير مباشرة بحيث انها بتساعدك على تنظيم أفكارك وترتيبها أو حتى الهامك بأفكار جديدة إبداعية متعرفش هيا بتيجى منين

4- إبدا بالرسم على الورق

اول ماتوصل الفكرة فى دماغك … استخدم الورقة والقلم قبل ما تطير منك وطلعها على الورق الأفكار مش هاتستناك  ممكن بردوا  أنك تبدأ برسوماتك وأفكارك على الورق دايما لان الطريقة دى هيا المستخدمة  بشكل أساسي في الشعارات هيا طبعاً مش قاعدة لكنها وسيلة مثالية في تصميم الشعارات والبوسترات مثلاً في النهاية المهم هو تطلع أفكارك على الورق علشان ما تضيعش وكمان تساعدك في التنظيم

5- اطبع لوحة عمل

اعمل طباعة للحاجات المهمة والأساسية في تصميمك الجديد وجمع الصور الفوتوغرافية أو كل حاجة بتوضحلك الرؤية من المعارض ورتب معلوماتك اللى جمعتها أو تصميماتهم القديمة وضيف ليها رسوماتك وأفكارك على الورق وضيف بعض الملاحظات علشان تطلع  بالنهاية على شكل بصري وملموس .. بعيداً عن العالم الافتراضي والإنترنت والمجلدات ممكن كمان تلزقها بلوح خشبي وتعلقها مؤقتاً قدامك أو جنب منك ممكن دى تعتبر نقطة مثالية بعض الشيء لكنها فعالة جداً ومكلفة قليلاً بتجربة شخصية

6- حدد وقت معين لمشروعك الجديد

حاول أن ساعات عملك  ماتبقاش عشوائية أو أنك تشتغل فى يوم ساعة واحدة ويوم تانى 16 ساعة ، ودى المشكلة اللى بيمر بيها عادة اللى بيشتغل بشكل حر ومش بيلتزم بعمل بدوام كامل لشركة معينة بحيث ممكن يقضي يوم كامل مع اصحابه ويوم ممكن مايبقاش فيه وقت انك تتكلم حتى مع عيلتك .. المشكلة دى انا شخصيا عانيت منها كتير جدا فعلياً والحل الأمثل لها بين كل خبرتنا هو بتحديد وقت معين علشان تخلص فيه شغلك وحاول أنك تلزم نفسك فيه وتقول للعميل عن وقت التسليم … ممكن تتأخر يوم أو يومين ولكن فى النهاية هتتأكد من أنك أنهيت العمل …

7- ابتدى بالاسهل واللى بتحبه الاول

زى ماقلت قبل كده ممكن يكون عملك متضمن كذا مهمة مختلفة أو خطة دعائية كاملة بتتألف من عدة تصميمات ( لوغو أو شعار – كرت فيزيت – بروشور – عرض أنيميشن للشركة …الخ ) و بالتأكيد ممكن يكون عندك عمل تفضله عن عمل آخر أو ممكن يكون انت بتفضله اكتر من غيره أياً كان اللى بتفضله البدأ بيه أولاً حاول أنك تبدأ بيه بغض النظر عن الأولوية في العمل … فقط كمجرد تطبيق مبدأي لفكرتك هيا دى الطريقة اللى تضمنلك زيادة نسبة الإبداع في تصميماتك

8- راجع أعمالك القديمة

أوقات بيكون صعب علينا انهاء شغل او تاسك معين بحيث بنوصل لطريق شبه مسدود أو حتى صعب علينا البدء بالعمل … بغض النظر عن الحالة النفسية اللي بيمر بيها المصممين وحالات البلوك Block حاول أنك تشوف شغلك القديم وتقارن الظروف القديمة اللي مرت بيك بظروفك الحالية وتدرس الفرق بينها وماتوقفش عند أول عائق يمر بيك ، بل عيد تفكيرك من جديد وماتستسلمش واستعن بالله في كل خطوة تقوم بيها واشكره على كل شيء .. وبالنهاية التوفيق بإيد رب العالمين أولا واخيرا

      Compare items
      • Total (0)
      Compare
      0