fbpx

تجنب عقوبات جوجل

كتب : محمد كامتشو 

تجنب عقوبات جوجل

إتكلمنا قبل كدا عن إن جوجل بيستعد لوضع تحديث جديد لخوارزيماته و الامر مش متعلق بس بإنه بيغير خوازمياته فقط لا دا بيدخل كمان فيها عناصر جديدة عشان تصبح منهج عام في السيو ، ودا اللي إتحقق بصورة كبيرة في التحديث الاخير لجوجل في خوارزمياته و اللي أتاح و جعل التحديث المستمر للموقع جزء لا يتجزء من الارشفة و محركات البحث بدءت بالفعل إنها تقيس المواقع بمحتواها ، و إن تحديثات الموقع أصبح هو كلمة السر اللي بتبني جوجل خوارزميتها عليها ، و بالنسبة للناس اللي بتشتغل علي موقعها عارفة أهميتها في كدا ، و دا الصحيح من وجهة نظري ، مش بس عشان البيت بتاعك لا دا كمان بيحقق فايدة قصوي للزائر.

و في منهج معروف جداً هو إن التسويق بالمحتوي الدعائي هو أقوي أنواع التسويق علي الاطلاق ، و تخيل مثلا إن في أكتر من مومقع بيتكلم عن موضوع معين و لتكن رحلة سياحبة لو إنت زائر و مهتم جداً بالسياحة هتسافر مع الشركة اللي قدمتلك المحتوي الدعائي بصورة أقوي ، و هنا بنرجع مرة تانية لفكرة المحتوي اللي إتكلمنا عليها في مرات كتيرة .

و إن بالفعل قال جون مولر و و زيناب إليات المشاهير جداً في عالم محركات البحث إن الامر بدء إنه يكون منهج ، و إن المواقع اللي مش هتلتزم هتتعاقب لانه أصبح مركز أساسي من مراكز تحسين قوة الموقع و تقويتها في محركات البحث ، و إن الامر مش بيتعدي حتي فكرة التحديث العادي ، لا دا الامر له علاقة بالمحتوي المقدم للزائر هل فعلاً إستفاد منه و لا لا و دا جوجل بيقدر يقيسه بسهولة عن طريق معيار معدل بقاء الزائر في الصفحة ، و هو الامر اللي بيقيس فعلا هل أنت إستفدت من الصفحة و لا لا يعني أنت بتتصفح في اليوم صفحات كتير بطبيعة الحال لو مش  عجباك صفحة مبتضيعش فيها أي وقت .

من اللي فات نقدر نحط قاعدة عامة لجوجل و هي إن جوجل قايم علي فكرة المحتوي الجيد مش بس مجرد المحتوي و إن جون مولر اللي يعد من أبرز مسوقي و خبراء جوجل قال حرفياً “سندع الروابط جانباً .. قم ببناء محتوي جيد ليستفد الجميع ” يعني من الاخر كدا اللعب علي المحتوي .

          الشق التاني هو العقوبات اللي بدأت جوجل فعلاً تتخذها بحق المواقع المخالفة ، و هي ما تسمي بعقوبات جوجل ، و اللي بيتم تطبيقها في العديد من المواقع و بتتم بصرامة شديدة من قِبل جوجل في محركات البحث و اللي بيطبق سياسات عقوبة صارمة بحق أي موقع بيخل ببند أو بشرط من شروط الارشفة السليمة و اللي بيتم تحديدها من جوجل ، و بيتم العقوبة من خلال إزالة الصفحة من محركات البحث كليةً ، أو إنه بيعاقب صفحة داخلية من داخل الموقع ، يعني العقاب  بيكون جزئي أو عقاب كلي ،  بيتطرق إما لصفحة واحدة أو بيتطرق لعدة صفحات .

في طرق كتيرة ممكن تعرف من خلالها إن موقعك متعاقب ، يعني لو لقيت في جوجل ويب ماستر إن في إجراء يدوي أو محتوي غير مرغوب فيه فإعرف إن موقعك غير معاقب زي ماهو موضح في الصورة دي  :

جوجل,تسويق,عقوبات جوجل,تصميم,انشاء المواقع

جوجل,تسويق,عقوبات جوجل,تصميم,انشاء المواقع

في عوامل كتيرة ممكن تخللي الموقع بتاعك بتعاقب و يكون عرضة للحذف من محركات البحث ، و النصايح متتعدة و أهمها إن ميكونش موقعك ذو محتوي منحول أو مسروق ، يعني لازم يكون محتواك حصري و خاص بيك ، إنك متحطش كود خاطئ متعلق بالارشفة و التلاعب علي محركات البحث ، و إن موقعك يكون بيبني روابط خارجية خاطئة ، أو في مواقع كتيرة بصورة متكررة و بصورة تثير ريبة محركات البحث و تخليها تشك فيك ، إياك إنك تتبع السلوك الالي ، إن جوجل بيعطي أولوية كبيرة  جداً للمواقع اللي بتتبع السلوك الانساني مش الالي فالسلوك الالي و مواقع إضافة موقعك في ألف باك لينك دي مواقع هتطير مع أول تحديث لخوارزم جوجل ، و لازم تعرف إن محركات البحث ذكية جداً و بتقدر من خلال سلوكك إنها تحدد إن كنت بتشتغلها و لا بتشتغل صح .

      Compare items
      • Total (0)
      Compare
      0