fbpx

النصائح السبعة الهامة للمصممين المطرقعين

النصائح السبعة الهامة للمصممين المطرقعين

قبل ما نبداء بالتصميم لازم علينا أن نعرف تماماً، أن التصميم المطرقع هو التصميم اللى بيريح العين، وهو التصميم اللى يمتع العين .
ومش التصميم المطرقع هو التصميم نرمى فيه صور وخلاص خليك مصمم مجنون شوية ازاى توصل للهدف بشكل حلو باقل صور .
عشان كده وجب على كل مصمم لسة فى بداية طريقة أن يحط قدامه الاسياسات الذهبية اللى هيبنى عليها تصميمه.
ولما تبدا التصميم لازم تخالى بالك من اللى هاقوله ده قلب الزتونة .

الألوان في التصميم:

لازم تنقى الالونا اللى هتبدا بيها الشغل ومش لازم نكتر فى الالوان ماهو مش فرح بنت العمدة لا لازم نشوف الالوان بتاعت اللوجو لو موجود ولو مكنش نشوف الالوان اللى موجودة فى المجال اللى هاعمل لية التصميم ونختار ونحاول نبسط عشان العين عشان متعميش الراجل اللى داخل يشوف موقعك .

الفونتات (الخطوط):

المرحلة دية مهمة محدش بياخد باله منها غير المصمم المطرقع اللى بجد ازاى تخالى موقعك متكامل فى الشكل والفونت بمعنى موقع عربى عندى خطوط بالكيلو فى العربى اختر فونت واضح يعنى موقع بالعربى بكلم بية شباب حلو مطرقعة مش حط خطوط تمشى مع شركة بتلعب فى البورصة لا هاختار خطوط واضحة وتكون ماشية مع الفئة اللى بكلمها وفى مواقع الشركات بتكلم بشكل رسمى يبقى لاز الخطوط تبقى حدة عشان دة موقع رسمى …. وفى المواقع الاجنبية نشوف اختيرهم للخطوط علية عامل بردة ويريت نزور موقع

الستايلات:

هنحتاج كتير فى مواضع التصميم أن نستخدم الستايلات عشان نضيف لمسة مطرقعة على التصميم، بس خالى بالك لازم عينك تبقى مفتحها عشان متكترش منها وونقى اللى ينسبك وينسب موقعك .

فهم التصميم:

لازم علينا حنا كا مصممين نفهم التصميم  قبل ماتبداء، يعنى ميبقاش الموقع بيتكلم فى اتجاه وانا حطط خلفية بتتكلم فى الاتجاة اللى مش موجود فى الموقع واخلاقك فى التصميم لازم تبقى من المصممين اللى بيعمل الحاجة بشكل اخلاقى لان فى الاولى وفى الاخر التصميم دة بيدخل علية ناس كتير …. ومن اخلاق المهنة دية توصل فكرتك بشكل سليم للاشخاص اللى هايدخلو على الموقع .

التقليد والإبداع:

اتفرج على مواقع كتير من الاخر نضف عينك من التصميمات اللى انت بتشوفها فى المواقع العربية والاجنبية ايضا .

بس خالى بالك يا برنس لازم تنس كل الكلام دة وانت بتصمم هو دة الابداع اللى انت بدور علية

فى مصممين حبايبنا شغالين على الوان واحد وفكر واحد ونفس الفكرة كدا انت خلاص قتلت حاجة اسمها مصمم فية

عشان كده لازم ننوع التصميم هاتقولى مش مطلوب منك ولو اطلب هاصمم قولك لا يا كبير مينفعش مش مطلوب منى اوح وانا قاعد فى البيت كدة وجنبى كوبية النعناع التمام اعمل انا تصميم الاسبوع دة لحاجة مش موجود واجى فى الاسبوع اللى بعده اعمل حاجة تانى .

ولو فى فكرة فى دماغى اكتبها مش اسيبها لغاية لما يجى وقتها .

استخدام الصور:

الصور وده حاجة يعنى الواحد بيشوفها فى التصميمات اظهر انهم بيعلمو المصمم بصور يا جماعة ماهو مش فرح صور ولا مهرجان الصور للجميع لا انت عايز صورة اية هاتوظفها فى اية الد4قة بتاعتها عمله ازاى هو دة الكلام وخالى بالك انك لازم تريح العين فى تصميمك وتوصل الرسالة اللى صاحب الموقع او الموضوع عايز يوصلها .

وأخيراً:

واخر حاجة يا جماعة عشان فى ناس مش بتعمل حفظ للملفات وتحافظ عليها تصميمك اللى انت بتعمله دة الكنز بتاعك ينفع بعد ماتعمل حاجة حلوة ترميها ولا تقول لا انا خلاص خد اللى عايز اخده لا ملفاتك لازم تحفظها وتحافظ عليها
كلنا يا مطرقعين بنغلط بس المصمم الصح المطرقع بجد هو اللى وقع فى الغلط وكتبة عنده عشان ميعدش الغلط تانى فى مقالات تانية كتيير يا مطرقعين

We will be happy to hear your thoughts

      Leave a reply

      14 − اثنان =

      Compare items
      • Total (0)
      Compare
      0