fbpx

الفيديو ماركيتنج أسرع طريقة للوصول للتسويق الفيروسي

، مجال الماركتينج  عامة بحر واسع ، تشتغل فيه و تتعلم كل يوم حاجة جديدة  طبعا  و مع ذلك تكتشف إنك لسة في البداية ، كالعادة الماركتينج عامل بالظبط زي الصحرا اللي تخلصها جري تلاقي بحر

و لعل السبب الاساسي هو إن المناهج التسويقية نفسها بتختلف من برند لبراند تاني ، العقارات تسويقها يختلف عن تسويق المنتجات و المنتجات تختلف عن التسويق السياحي و بلا بلا بلا ..

عشان كدا اللغة الام للتسويق الالكتروني هو التسويق من خلال الفيديو و لازم نعرف إن الموضوع صعب في إحتلال مراكز متقدمة و باك لينكس فولو من اليوتيوب عامة ، لازم تِعرف إنك فعلاً لازم تكون صايع ماركتينج عشان تتقن الفيديو سيو و الفديو بروموشن .

الفيديو له تارجت ،و هدف مُعين و الهدف هنا له نوعين : هدف لجوجل – هدف لليوتيوب ( المبني اصلاً علي جوجل )

تعرف تطلع من كدا بـ ايه ؟!

بإن برضو اليوتيوب مُحرك بحث بنفس سياسات جوجل ، نفس السيو ، نفس الطريقة و المنهجية تقريباً , و لكن خلينا متفقين إن نتائج البحث علي اليوتيوب بتكون مقفولة و تقدر تتحكم فيها من خلال كذا معيار ، و اهمها علي الاطلاق الفكرة العامة لليوتيوب ..

عشان نعرف الفكرة العامة لليوتيوب تعالي نشوف هو اصلاً بيبني نتائج بحثه علي ايه و من خلال إيه ؟!

طيب تعالي في اليتيوب و إكتب أي كلمة بحث ( سياسة – فن – رياضة – براند – فيلم – اغاني )

نقدر نقول إن دا لوغاريتم هنحلله لقاعدة بتقول :

( الدومين + طلب نتيجة بحث ؟! + نتائج البحث + كلمة البحث الاولي –الثانية )

طيب هل التصنيف قايم علي حاجة مُحددة ، طبعاً الفيديوهات بتترتب بالمُشاهدة ، و بالعدد لان اليوتيوب لايزال يعتمد علي سياسة جوجل زي مقلنا قبل كدا ( الكبار في الاول و الصغيريين في مكانهم ) و لو عاوز تبقي كبير إدفع  مبالغ ضخمة .

طيب يعني لو إفتضرنا مثلاً إني عاوز  فيديو فيه كلمة ( ليالي ) و طلعلي نتيجة بحث لاكتر من 6 صفحات ، ايه الفرق في الترتيب ؟!

الفرق طبعاً المُشاهدات و إن لم تكُن هي النتيجة اللي إنت عاوزها ، و لكن يبقي المعيار ثابت و إن إختلفت المنهجية .

مكونات الفيديو :

مُهم جداُ نعرف إن الموضوع مش حط كاتشب علي البطاطس و اقلب ، لا خالص ، الموضوع له علاقة ببُعد في لوغاريتم اليوتيوب المُعتمد علي تحليل الكلمات مش الجُمل , لازم تتبع خطوات مُهمة و محددة في إنشاء اليوتيوب  فيديو و حملته التسويقية و إزاي تفعّل السويشال ميديا في مجال نشر الفيديو :

أولاً  : لازم لو إنت موقع أو شركة لازم يكون لك قناة خاصة بيك ،محطوط فيها كٌل طرق الوصول إليك ، سويشال و ارقام و ماشابه ذلك و السبب هو إنك لازم تِشهر نفسك بكل الطرق (الصور – المقالات – الفيديو – العروض – السويشال و الايفنت)

وبعد كدا تنشر في قناتك الفيديوهات بكلمات مهمة في العنوان عشان  و الكلمات دي طبعاً إنت محددها من خلال هدفك يعني محدد إنت عاوز إيه منها ، عاوز سياحة تلعب بأسمي المُدن ، عقارات تلعب بالمقايس و كلمات ( شقق و عقارات ) و كدا ..

في النهاية العناوين هي التحليل الاول و الاخير في نتايج البحث الاولي في اليوتيوب .

ثانياً هو الفيديو نفسه ، لازم  المادة الاعلامية المُقدمة تتحق فيه إنك تجذب اللي بيشوفك لإنه يشوف الفيديو كله من أوله لإخره و لازم يكون مش صور بتحرك ، دا فن ، لانك بتعرض نفسك ، مُمكن جداً واحد يجيلك من شدة إعجابه بشغلك في المتريال .

ثالثاً : الوصف العام للفيديو ودي عبارة عن اللينكات اللي أنت بتعملها في الموقع بتاعك ، و الامر دا لازم تعرف إنه في غاية الاهمية و أهميته بتكمن في  كونك بتربط دومين مهم زي اليوتيوب بدومين موقعك .

و اللينكات هنا مش مجرد رص ، دانت لازم تكون مختار لينك موقعك + لينك سويشال + لينك عرض مُعين و هنا بيجي دورك في إنك تحط ليها علاقات بالمحتوي ، يعني متفصلش فصل تُجاري بين المحتوي و الفيديو لمجرد إنك عاوز تكسب لينك لازم يكون في علاقة واضحة بين الاتنين ( المحتوي و الفيديو )  و المحتوي هنا حصري بنسبة 100 % .

اخيراً في الفيديو لازم تكون ناشر جيد للفيديو في المنتديات و مواقع نشر الفيديو المُختلفة  و طبعاً السويشال ميديا ، و بالتالي لازم تعرف إن الفيديو ملوش لازمة لو مكنش لُه سويشال ميديا خاصة بيه ، سويشال ميديا قوية  .

لازم تعرف إن التسويق بالفيديو مش مجرد أداة ، دا عالم كبير جداً ، اليوتيوب فيه فوق ال 100 مليون فيديو مُختلف و فوق ال 25 مليون قناة ، لكن كام واحد عرف اللوغاريتم و مشي عليه و قِدر إنه يكون في نتايج البحث الاولي ، و إعتمد علي الفيديو ماركتينج ، أعتقد إنك بدأت تفهم إن الفيديو فعلاً أداة تسويقية لا مِثيل لها .

      Compare items
      • Total (0)
      Compare
      0