fbpx

العلاقة بين المحتوي و جوجل

العلاقة بين المحتوي و جوجل

إتكلمنا في الدرس اللي فات عن إنك إزاي تكتب Seo صح ، و الفكرة إن جوجل كمجال لمحركات البحث ذكي جداً

في تحليل النصوص بصورة ال Text ، بمعني إنه بيخش يحلل الكلام المكتوب في الموقع و دا اللي بنطلق عليه المحتوي ، طيب هتسأل سؤال مُهم جداً ، هو عاوز يحلله إزاي ؟! و ليه ؟! و ايه الغرض من التحليل دا ؟!

أولاً : إنت لازم تعرف إن الموقع هو المحتوي و إن رقم واحد لتحسين ترتيب موقعك لدي مُحركات البحث هو  المحتوي و هو دا اللي هنتعلمه مع بعض في درس النهاردا .

المحتوي بينقسم في المواقع لعدة أنواع في منها المحتوي المنحول ، و المحتوي الفريد من نوعه ، و دي عناصر المحتوي الاساسية .. لكن هتسأل نفسك سؤال مُهم جِداُ  هو ايه الفرق بينهم و ايه أهميتهم .!

لازم تعرف ان المحتوي بيتم قياسه من خلال عناكب بحث جوجل و هي ال Google boots و بيتم من خلالها التفرقة بين أنواع المحتوي .

أول خطوة من خطوات انك تكون موقع ناجح هو إنك تضمن إنك تكتب محتوي حصري ، و المحتوي الحصري هو المحتوي الي مش مكتوب في موقع تاني ، أنت اللي كتبته ، إنت بكدا هتكسب ثقة جوجل ، و هيتم وضعك في قائمة ال white hate و هي الخاصة بتقدُم موقعك في في جوجل و إنه يحتل المرتبة الاولي ، لكن دا مش كفاية ، المفروض تكون مهتم جداً بالروابط الداخلية داخل المقال  و دي اللي  هنتكلم عنها بالتفصيل في المقال الجاي .

بكدا إحنا عرفنا أهمية المحتوي ، و إنه الوسيلة الاولي للتقدم ، بلاش تخش تاخد محتوي من موقع تاني لانك هتتعاقب لو مش دلوقتي فبعدين ، الفكرة كلها إن عُمرك ما هتتساوي بينك و بين موقع بيكتب و بيتعب و بيجيب مصادر و بيقعد واحد يكتب المقال بعد ما يدرس أبعاده ، خلي بالك إن المقال بعد كدا هيتم أرشفته من جوجل اللي هيزورك كل فترة فبلاش تخلي عناكب البحث تاخد عنك فكرة سيئة من خلال زيارتها ليك ، لإن دا هيقلل الارشفة بتاعت موقعك كل مرة ، و هيأخرك جداً في ترتيب جوجل .

لكن طبعاً في ثابت في المحتوي ، و الثابت هي المحتوي الغير قابل لتغير و دا بيكون في نصوص معينة ، او في حاجات معينة ، زي مثلا لما نقول جمهورية مصر العربية ، مينفعش نقول إن دا محتوي مسروق من حد ، أو إن دي جملة منحولة ، لا بالعكس دا بيعتبر ثابت في المحتوي مش بيتغير ، واحد هيقول طيب هو ازاي هيعرف إنه  ثابت ؟!

هقولك محنا إتكلمنا وقولنا إن جوجل ذكي جداً في تحليل النصوص و الجُمل ،هيفرق بين الثابت و المتغير .. هتقولي بس الثابت و المتغير دي في الرياضة ، هقولك محنا اتكلمنا في الدرس اللي فات علي إن جوجل خواريزماته رياضية .

أخر حاجة لازم تعرفها إن في قواعد لازم تتبعها في كتابة المقال ، إنك تعرف أولاً هو المقال دا أنا كاتبه ليه ؟! و لمين ؟!

Content Marketing  ولا مجرد مقال عادي  .. في كٌل الحالات لازم تتبع الخطوات دي :

  1. إنك تكون حابب فكرة الكتابة و مش كاتبها لمجرد إنها حاجة جديدة ..
  2. لازم تبدء مقالاتك بمحتوي فريد يشد الناس ليك عشان تبني لنفسك ثقة في جوجل .
  3. حافظ علي إن مقالك يكون حصري علي الاقل بنسبة 90% .
  4. من الامانة العلمية و الادبية كتابة مصدر كلامك لو كان منقول .
  5. دعم مقالك بشبكة سويشال ميديا كبيرة بحيث إنه يتنشر .
We will be happy to hear your thoughts

      Leave a reply

      4 × 5 =

      Compare items
      • Total (0)
      Compare
      0