fbpx

السيو مش جوجل و بس

السيو مش جوجل  : 

السيو مش جوجل و بس ،  وهو دا  ما أطلقناه يوماً ما  علي السيو خارج جوجل ، لازم لو أنت حريف ماركتينج تكون عارف إن السيو مش جوجل و بس و برغم هيمنة جوجل علي أكتر من 80 % من نتائج البحث ، و إن الامر غير مُتعلق فقط بإنك تسوق بكلمات مُفتاحية في جوجل لتحقيق SEO متوازن ، لان الامر متعلق بإمور تانية و جديدة و إن في أكتر من عشر مُحركات بحث عالمية ، و السؤال هنا اللي بيطرح نفسه بشدة هو هل الطريق لجوجل مستحيل بفِعل هيمنة البرندات الكبيرة علي جوجل .؟! يعني بإختصار هل الاعلانات المدفوعة هتجيب ثمارها .؟!

طب و بعد فلوس الحملة ما تخلص هترجع تاني من الاول تعيد نفس الكرة و تدفع تاني عشان تطلع تاني ؟!

تطور المنافسة في جوجل ؟!

ولو مثلاً قررنا إن في شركة في مجال السياحة شغالة مستهدفة كلمة مفتاحية معينة بتنافسها بيها شركات عالمية زي ترافكو و زي دستنيا و زي الكتير من البراندات العالمية.. هل مُعدل الوصول هنا طبيعي .. ولا هما خلاص فرضوا الامر الواقع و إنك لازم تتجه لـ platforms  تانية عشان تقدر توصل، إنت كـ ماركتير لازم تكون فاهم كويس وانت شغال مع أي عميل إنك تقوله الحقيقة و تكون موضوعي وإنك فعلاُ هيتأثر فيك شوية حاجات جوجل بيبص لها بإعتبارك جيد الارشفة يعني مثلاً لو شركة جديدة في مجال العقارات لازم تعرف إن الدومين الجديد اللي إنت بتختاره من جودادي مثلاُ مش مهم لمدة سنة ، و دا لان محركات البحث بتدي الاولوية للدومينات الاكثر قدماً و إن كل ما يكون العُمر بتاع دومينك أطول كل ما كانت فُرص صعودك أعلي و خلافاً فإنت لازم تكون عارف إن العقارات مش هتنجح في السيو بدر ما هتنجح في قنوات السوشال ميديا و الاعلانات المدفوعة .

و دا اللي بنسميه النجاح علي المستوي القريب و إن النجاح علي المستوي البعيد في جوجل قد يتحقق و لكنك هتاخد وضعك ، و إن في معايير تانية غير المحتوي و الباك لينكس و دا لإن في ما يزيد عن مليارات  صفحات الويب و الفلترة فيها قاسية و الاقوي هو اللي بيدفع أكتر و إن مُعدل الوصول مُرتبط ديما بُمعدل الدفع .

من هنا كانت فكرة المقال واضحة هو إن إزاي التحوَل اللي هيحصل لما الناس تتجه من جوجل لمنصات التواصل الاجتماعي ، و إن التحول هنا هيكون أمر واقع فرضته قسوة محركات البحث عليك ، لانك بتحس إنك بتزق في حيطة عشان توصل لكلمة متقدمة تنافس بيها حتي لو غيرت إستراتيجيتك و إتجهت مثلاُ لإستراتيجية الكلمات المفتاحية طويلة الذيل كنوع من أنواع تغير الخطط و الاستراتيجيات ، و حتب وصولاً للعميل فبالتالي تلاقي الماركتير ساب جوجل و خلي الويب سايت مُجرد واجهة و إتجه و قال منا أسيب جوجل بتعبه و كتر مجهوده ووقته و أتجه لفِكرة جديدة و أسرع و أشوف نتايجها أسرع و هي الاعلانات المدفوعة و أضمن الوصول للعميل .

طبعاً إحنا هنا في social Emarketing  بنتجه نحو البراند و نحو إنك تكون قوة حقيقية مش بس مجرد واحد بتدفع و توصل و صدقني لو قويت كلمة مفتاحية هتوفر عليك campaings  كتيرة و إن تربية العبد هنا أهم من إنك تشتريه .

تحول التسويق عامة لمنصات تانية في التسويق من شأنه إنه يخلق تنافسية هتصب في مصلحة الماركتير أكيد ، و هيخلي طرق الدفع و طرق التسويق الاوفلاين أكتر تنافسية و هيخلي سوق التسويق سهل لانه هيكتر خياراته .

      Compare items
      • Total (0)
      Compare
      0