fbpx

الروابط الداخلية

الروابط الداخلية

في مجال مُحركات البحث و ال E marketing  في مًصطلح مشهور جداً بين الـ Marketer  بيتقال فيه إن الاسكريبت الناجح هو الاسكريبت اللي مش داخل عشانه القارئ ، بمعني  ايه ؟!

هقولك .. الاسكريبت هو المقال المكتوب باللغة العامية و دا بيختلف عن المقال اللي بيكون مُلتزم فيه الكاتب بإدوات البحث و الكتابة اللغوية ، و الامر بيتطور جداً معاه لدرجة إن مجال الاسكريبتات أصبح أكثر إنتشاراً علي السويشال ميديا و المواقع ، يعني هبسطهالك جداً ، لو إنت قُدامك جورنال و قُدامك بوست علي الفيس .. هتقرا ايه ؟!

أعنقد إنك هتميل ناحية الاسكريبت بتاع الفيس ، لانك عاوز المعلومة توصلك و أنت مش بتبذل جُهد فكري في إستيعابها ، و دا أحد أكثر الاسباب اللي خلت الفيس بوك و تويتر  مُكتسحين البحث علي جوجل ” بلا مُنازع  عشان بساطة الكلام .

طيب نرجع لموضوعنا .. السؤال هنا .. هو أنا أكتب إزاي سكريبت و أخلي اللي بيقراه مستني إنُه يقرا واحد تاني

فبالتالي يخش يشوف مقال تاني ؟!

الاجابة سهلة جداً ، محتاجة شغل بسيط بس فِكر عميق ، إنت لازم تكون بتتكلم في موضوع مُحدد لكنه في سلسة مُترابطة ، يعني مثلاً إحنا هنا بنتكلم عن الروابط الداخلية ، و عن المحتوي و عن السويشال ميديا  مواضيع مُختلفة في أفكارها لكننا نِقدر نصنفها علي إنها في الاخر  Seo ، منقدرش نفصلها ، و لا نقدر إننا نقول إن تعدد المواضيع قتل الفكرة .

المواضيع مُتعددة و إن إختلفت الفكرة العامة ، لكن مينفعش نقول إننا بنتكلم عن أفكار كتير لموضوع معين من غير ما نربط بينهم ، يعني مثلاً لما أتكلم عن السويشال ميديا لازم أربط بينها و بين المحتوي ، و المحتوي هنا هيتم تسويقه عن طريق السويشال ميديا ، و هنا بتيجي لعبة ال Marketer  اللي  بيكون ” صايع سكريبتات ” ، هو اللي يطلعك من السويشال يدخلك في المحتوي ، و يطلعك من المحتوي يدخلك في الباك لينكس  ، يعني خلاك تقرا 3 مقالات في الوقت اللي إنت داخل تِقرا فيه مقال واحد ، لانه عمل ربط بين المواضيع في موضوع واحد فاصبح أكتر من 5 مقالات أقدر أوصلهُم من مقال واحد .

إربط بين كل اللي فات و بين الروابط الداخلية ، و هنا بتيجي أهمية الروابط الداخلية ، اللي هي أساساُ قايمة علي الربط بين المواضيع المُختلفة في اساس البنية الواحدة ، و التعدد تحت الصيغة الواحدة .

المقال المرة دي قصير عشان الفكرة بسيطة ، لكنها مُهمة جداً و أحد أهم المعايير اللي جوجل بتقوّم عليها ترتيبها و نظرتها للمواقع ، و خليك فاكر إن ال marketer  الحقيقي هو اللي يخليك تستني كلامه ديماً . 

We will be happy to hear your thoughts

      Leave a reply

      سبعة + 13 =

      Compare items
      • Total (0)
      Compare
      0