fbpx

الروابط الخلفية backLinks

الروابط الخلفية backLinks

لوقت طويل جداً كانت الروابط الخلفية أو الباك لينكس مُهمة بدرجة لا تتخيلها ، وصل الامر لإن أصحاب المواقع

إتجهوا لبناء الروابط الخلفية بكثرة ، لدرجة إنهم أهملوا المحتوي ، و الغريب في الموضوع إن جوجل ساعتها مكنتش حاطة قواعد تنظم اللعبة ، لعبة بناء الروابط .

هل الروابط الخلفية بتتحسب بالقوة و لا بتتحسب بالفعل ؟!

القوة و الفعل مفاهيم فلسفية ، لكن ليها دلالتها الواقعية ، القوة هي الكم ، و الفعل هو الكيف  و هنا في سؤال مُهم بيطرح نفسه .. هل بناء الروابط الخلفية بيعتمد علي الكيف و لا علي الكم ؟!

يعني لو بنيت 1000 رابط مثلاً .. هل بيختلف بالنسبة لجوجل عن بناء 1001 رابط ؟!

الاجابة أه طبعاً ، لإن البناء لم بيتم بصوره الكيفية ، مش بصورته الكمية ,, و دا التحول اللي خلي مُعظم المواقع تتعرض للعقاب من جوجل ، فالكثرة أحياناً مٌفيدة و لكنها علي الاكثر مُضرة جداً .

اولاً لازم نعرف .. يعني إيه أصلاُ باك لينكس .. يعني ايه فايدة الروابط الخارجية ؟! و ايه مفهومها ؟!

الباك لينكس و الروابط الخارجية بمفهومها الصحيح هي ” الروابط و المواقع الخارجية اللي بتشاور علي موقعك “

يعني موقع ” س” موقع بيقدم محتوي شيق جداً ، فموقع ” ص” و موقع ” ع” اشار للموقع “ص” و قال إنُه مهم، بالتالي نستنتج إن الموقع ” ص ” و الموقع ” ع ” ما هي الا روابط  خلفية للموقع الاساسي و هو اللي بنسميه Main Domain

و لكن السؤال المُهم جِداُ هنا …  هل المواقع تشبه بعض ..؟! يعني ” ص” يشبه ” ع” في القوة ؟!

بالطبع لا ، المواقع متفاوتة بتفاوات المحتوي و الترتيب و ثقة جوجل في الموقع الاساسي ، و ترتيبه و قوته في أليكسا ،

و بالطبع إن ألف موقع ملهومش ثقة لدي جوجل لو أشار لموقعك مش هيكون أقوي من إشارة موقع واحد لموقعك ، في الحقيقة الوضع هنا قايم علي فكرة مين بيشاور عليك ؟! هل هو موقع قوي ؟! و لا مُجرد موقع عادي !؟

هل اللي بيشير لموقعك Main Domain  ولا بيشير ليك مجرد رابط شعبي !؟ 

و الحقيقة أنا إشتغلت في أكتر من موقع في إتجاهات عديدة ، Analyse  و Content و  Backlinks  و قارنت بين كُل Tool من ال tools دي و علاقتها بتقوية ال Rank و ال Time site In  و لقيت إن بناء الروابط مُهم و المحتوي مُهم  و لكننا في مجال ال E Marketing  بنعتمد بصورة أكبر علي المحتوي  ، المحتوي الحصري اللي لم يتم أرشفته من قِبل عناكب البحث ، و اللي لسة Google boats بتتعرف عليه ، و بتديلُه ثقة  ،  و بتأرشفه بصورة مُستمرة  .

مينفعش مقال زي دا منتكلمش فيه عن On Page و ال out Page  بالنسبة للروابط الداخلية ، و الخارجية ” لابد من ربط المحتوي بشبكة روابط بنسميها روابط داخلية ، و هي ربط محتويات الموقع ببعض ، ربط مقال عن المحتوي بمقال عن الباك لينكس ، و ربط الباك لينكس بالسويشال و هكذا ,,

يعني أنت تبقي ” اسطي “ محتوي لو قدرت تخلي القارئ يطلع من مقال يخش في التاني و يطلع من التاني يخش في التالت ، كُل دا عن طريق إشارتك للمحتوي  المطلوب في محتوي أخر و هو دا الربط الداخلي للمقال ، و اللي بيعتُبر أداة من أدوات السيو الجيد ، و اللي بنلاقيه بكثرة في محتويات Word press  ، و لو عاوز تِعرف أهمية عُظمي للروابط ال On page لازم تعرف إنه بقي وسيلة من وسائل قياس جوجل ليك ، و هو مُعدل بقاء الزائر في الصفحة ، لان ببساطة جوجل عارف إنك قوي بقوي وجود الزائر عندك و قياسه للمدة الزمنية دي ، ببساطة لان لو الموقع قوي هيقعد القارئ يتنقل فيه  من صفحة للتانية و مش هيسيبك ، و خليك فاكر إن الزائر اللي بيقعد دقيقة غير الزائر اللي بيقعد 3 ، 4 دقايق ، غير الموقع اللي بيقعد فيه الزائر 13 دقيقة ، الموضوع بيتقاس كدا ، بيتقاس بالزمن و المحتوي و الروابط  مع بعض

لو بصيت هتلاقي إن أقوي المواقع في العالم مرتبطة ديماً بالجرائد الالكترونية ، إحنا مُمكن نقول إن الجرايد الالكترونية هي صديقة جوجل ، لان بإختصار هي حلت  لوغاريتم جوجل:

 ( محتوي مُتجدد + حصري + روابط داخلية و خارجية + سويشال ميديا ) = موقع مؤرشف يثق فيه جوجل .

      Compare items
      • Total (0)
      Compare
      0