fbpx

الدفع مقابل النقرة

الدفع مقابل النقرة ؟!أو البيع مقابل النقرة هو الجيل التاني من الاعلانات ، و اللي بيتحاسب فيها المعلن عن النقرات ، يعني بتدفع تمن نقرة الاعلان مش الظهور ، طبعاً دا بعد ما أصبح مفيش بديل عن الدفع مقابل النقرات .
طبعاً لازم تعرف إن الفلوس اللي جوجل بتحصلها هي مبالغ قياسية لدرجة لا يتخيلها أحد لدرجة خلت كل حاجة علي النت مدفوعة ، طيب خلينا في الجانب اللي يخصك ، هو أنا مالي و مال الكلام اللي فات دا ؟!

لا ركز شوية ، لازم تكون عارف إن أي تحرك علي النت أصبح مدفوع و إن أي مرحلة من مراحل الوصول لازم تكون دافع فيها عرق جبينك ، و أعتقد إننا هنا في سويشال ماركتينج بنلم من بعض فلوس عشان نعمل كامبين واحد يوحد ربنا برغم إن كلنا دايسين ويب و تسويق و تصميم و الخ الخ ..

بس فعلاً الموضوع بقي ماشي بنظرية “هتدفع يعني هتدفع ” أو النظرية اللي بتقول :

 if you Good at some thing .. not do it for free

طبعاً الفيس بوك زاط في الزيطة مع جوجل و اليوتيوب برضو قال و إشمعني أنا و ياهو و جوجل أد ورديس و البوست كورن و المواقع نفسها قالتلك تعلن عندي يبقي تدفع فلوس ، و بالتالي دا ترتب عليه حاجات كتيرة صعبة جداً تحليلها معقد للغاية ، و لكن نذكر منها علي سبيل المثال لا الحصر إن عالم السيو بدء يقفل بالتدريج و إنك كمسوق إلكتروني لو عاوز تبقي صفحة أولي في جوجل من غير ميزانية ثابتة للإعلانات يبقي إنت بتخدع نفسك جداً .. و مش هتوصل .. عاوز توصل إشتغل سيو ماشي لكن تكون حاطط ميزانية برضو للجانب اللي هتدفع فيه فلوس ، من الاخر التسويق المجاني مش هيخليك brand  لا دا هيكون عقبة جداً قصاد إنك توصل للمرحلة دي .

 

سياسات الفيس بوك في الـ سنتين اللي فاتو :

تعرف في كام شركة نفسها تبيع منتج ؟! رحلة .؟! عقار ؟! شقق ؟! مكياج ؟! و بلا بلا بلا

أكتر من مليار شركة ، أيوا مليار ، واحد و تسع أصفار زي ما قريت كدا ، تفتكر إن في الزحمة دي و كله بيطلع مجاني  يبقي مش ظلم إن حد يتفوق علي حد ؟!

طبعاُ أيوة ,,, يبقي لازم من سياسة تخلي إن العميل الحقيقي هو اللي بيدفع و بيشتغل مجاني مع بعض و إنك مش شرط تكون كويس قد ماشرط تكون بتدفع كويس ، و دا اللي خلي الفيس بوك يخلي نسب مشاهدة اللينكات في الصفحات الدعائية 10% من قيمة المشتركين في الصفحة ، بمعني أصح يعني لو عندك الف واحد هيشوفك 10 بس ..

طب نفترض إني عاوز اخلي ألف واحد يشوفني ؟! لازم أدفع ! ..

و جوجل برضو ، سايباك تهري لحد ما تلف و تدفع في إعلانات جوجل المدفوعة عشان تبيع و بتربط قوتك في الكلمات المفتاحية بقوة الميزانية اللي إنت حاططها ، الحيتان اللي بيدفعوا هما فعلاً أقوي ناس في جوجل ، بدون إهمال المحتوي طبعاُ ، و الكلام نفسه بقي في إنستغرام و تويتر ، و كل المواقع اللي بتسوق من خلالها  .

 

  

      Compare items
      • Total (0)
      Compare
      0