fbpx

التسويق بالبريد الالكتروني

التسويق بالبريد الالكتروني

واحد من أهم العناصر التسويقية اللي بتعتمد عليها الشركات خصوصاً و ان المؤسسات الكبيرة بيكون طرق التواصل بينها و بين بعضها سواء أفراد و عاملين بتكون غالباً بالبريد الالكتروني و هو اللي بنطلق عليه إسم Mailing list lanched campaing و الحملات الاعلانية من خلال البريد الالكتروني بتعتمد علي أكثر من إتجاه لضمان نجاح الحملة الاعلانية بالبريد الالكتروني و هنستعرضها من خلال أكثر من نقطة مهمة جداً منها

1- القوائم البريدية : لك أن تتخيل إن الداتا اللي إنت مختارها معتمد نجاح الحملة علي مدي فرزها ، و هي أكتر من 50% من نجاح الحملة الاعلانية بتاعتك ، لازم تكون الايميلات فعلاً لناس مهتمين و لازم إنت كمسؤل تسويق تكون مقسم الداتا بتاعتك و تكون متجددة و تكون فعلاً بتتفتح مش مجرد عدد لإنك ممكن تكون عامل تارجت علي أكتر من مليون عميل غير مهتمين و تستنتج إن نسبة النجاح الحملة دون الـ 5% و غالباً إحنا بنحسب نجاح الحملة من خلال تحقيق 12 % من قيمة الداتا ، يعني مثلاً لو إنت عامل Target aduince لـ 100 إيميل حملتك هتكون ناجحة لو إهتم و نفذ البيع 12 فرد ، بإختصار القوائم البريدية لازم تكون متفلترة علي حسب الاستهداف بتاعك ، و تعرف إنت مستهدف مين ، و إنك متضحكش علي عميل بقايمة مليونية و 2 مليون عشان النتائج مش هتكون مرضية و أفضل طريقة تجمع بيها داتا نقية هي إنك تحول العميل المهتم انه يعمل إشتراك في النظام البريدي عندك ، يعني مثلاً تحوله علي موقعك و تربطله انه يسيب بياناته بخدمة فعلاً تكون مهمة ، إشترك لتحصل علي جديد عالم العقارات ، إشترك و هنبعتلك تطبيق تستفيد بيه في إنك تعمل frame للصور بتاعتك المهم أي حاجة تجبر بيها الزائر برغبته في إنه يشترك فتضمن إنه يجيلك أو إنه يسجل نفسه في الموقع في أي خدمة و تبعتله رابط التفعيل علي الايميل بتاعه و بكدا تكون ضمنت فعلاً إنه بيفتح إيميله و إنه مهتم أفضل 100 مرة من ألف عميل غير مهتم .

2- الاستهداف الامثل : تخيل مثلاً إنك بتسوق منتج بيتاكل زي المولتو كدا ، هل إنت هنا تسوقله بالبريد ؟! طبعاً غير منطقي و دا لإن لازم تعرف إن كل مكان و له أدان و كل proudact و له أساسه التسويقي ، و اللي أقصده هنا ، هو هل فعلاً إنت منتجك يستحق التسويق البريدي ؟! ، هل العملاء بتوعك مستنين عرض معين منك و من خلال الايميل ، خلينا نقول إن مجال السياحة و العقارات متلائمين للتسويق بالبريد الالكتروني وإنهم فعلاً معتمدين علي التبادل اللحظي ، و إن الصور و الميديا بتلعب دور مهم في نجاج الحملة الاعلانية .

3- التصميم الانيق : ظبطت خلاص البيانات و المحتوي بتاعك لازم تبروزه للعميل ، و إحنا هنا في سويشيال ماركتنيج كمتخصصين تصميم بنحاول نوصلك إن الصورة أفضل من ألف كلمة ، و إن الصورة بتوصل للجميع في حين إ، ممكن يكون في أكتر من عميل مش فاهمين إنت عاوز إيه أصلاً و لو جينا لاحظنا إن سبب نجاح أي حملة تسويقية قايمة علي الـ awarnes بتكون قايمة علي قوة الصورة و مدي وصولها للعميل ، و إن العميل ممكن يعلق معاه إسم شركتك من تصميم اللوجو أو المحتوي اللي بتقدمه، و هل فعلاً وصلت الايميل بتصميم راقي و أنيق يليق بشركتك ، و إن أهم خطوة فعلاً هي التصميم و شكله و إنه يكون متناسب مع الاجهزة لانه ممكن يكون الايميل مفتوح من أجهزة أو تابلت أو فابلت و نوت أو جهاز عادي أو ماك لازم تكون عامل الايميل Releted مع كل الاجهزة دي ، و متبقاش فج أو متبقاش مزعج حاول تبقي بسيط و قليل التواجد في الميلينج ليست ، متخليش العميل يكرهك من كتر الارسال ودا اللي هنتكلم عليه بالتفصيل في أخر نقطة .

4- العنوان الخاص بالمحتوي الاعلاني :

أيوة بالظبط كدا تعرف إنك ممكن تكون عامل كل حاجة و مستهدف فعلاً عميلك و فعلاً بعت الايميل و فعلاً بعته و هو فعلاً شافه بس مفتحوش ! ، ايوة لانك معملتلوش أي نوع من أنواع Marketing value by words و هي الحاجة أصلاً اللي أنا بحاول أوصلها للعميل ، يعني أنا عاوز أوصل للعميل بتاعي من خلال عنوان يجذبه و في فرق بين إنه يشوف الايميل و بين إنه يفتحه ، و هيفتحه من خلال العنوان الانيق و الشيك اللي هتبعته بيه و دا أهم أهم خطوة بينصح بيها خبراء التسويق الالكتروني في العالم ، و هو إن إيميلك هيوصل بإنهي عنوان ؟! هل مجرد إعلان و خلاص ، و لا حاجة فعلاً تتفتح ، الحق بيتقال إن أكثر معدلات فتح الايميل هي الحملات اللي بتحسس العميل إنك فعلاً هتستفيد من الحملة ، يعني مثلاً تربطه بعرض لفترة محددة ، تربطه بجايزة ، تكون غير مفتعل طبعاُ و إنك ممكن تعمل الواقع مع شكل تسويقي عشان لو قولت حاجة لمجرد إنها تسمع و لو معرفتش تنفذها هيتعمل عيك brand attack و هيبقي شكلك وحش جداً .

4- لا تكن مفتعلاً أو لا تكن رخم يعني 😀 بمعني إيه ؟!

يعني متبعتش كل يوم ، متبعتش نفس العرض ، متبعتش نفس العنوان و لا نفس التصميم ، خلي العميل يستناك ، نوع إستراتيجيتك و نوع حملاتك الاعلانية عامة ، يعني مرة إعمل تسويق من خلال السيو و مرة إعمل من خلال الاعلانات المدفوعة و مرة إستخدم الايميل ليست ، و متنساش طبعاً إن في أكتر من سوفت ويير بيقدم فكرة الmail list زي مثلاً الـ mail chImp حاول تكون معاك داتا كويسة و تجرب الحملة الاعلانية علي الميل و تقولنا وصلت لفين .. متنساش لو عجبك المقال تشيره لصحابك. ?

      Compare items
      • Total (0)
      Compare
      0