fbpx

الباك لينكس قلش رخيص

كتب : محمد كامتشو

الباك لينكس قلش رخيص

طبعاً إدي العيش لخبازه ، أوعي تلف حوالين دايرة مقفولة في السيو ، و لا في محركات البحث لان حرفياً كدا الموضوع سهل بصبر ، سهل بفلوس ، سهل بعلاقات ، لكن صعب جداً بالمجهود الفردي ، وإن كان عالم محركات البحث بيقفل واحدة بواحدة ، بيلف و يرجع لنقطة الاصل اللي مضمونها ، الاعتماد الكمي للنشر سيئ بالمقارنة بالانتشار الكيفي و دا اللي شرحناه في كل مقالاتنا اللي فاتت اللي كانت بتتكلم عن فايدة و قيمة المحتوي و هكذا ..

 

هل تتخيل إن في فترة فاتت كان جوجل عامل زي البيت اللي كل ما ترصله عمدان يكبر ، و كمان تقدر تبقي أول واحد بشوية حركات سيو بسيطة تتلاعب فيها علي محركات البحث و دا اللي خلي جوجل يفوق كدا للعرب و يعمل تحديث خوارزمي قايم علي العلاقات المتشابكة بين التلاعب و بين الصياعة في التحايل علي محركات البحث و دا اللي سماه جوجل باندا أو نسبية ال 3:1 و اللي قالت كدا بالبنط العريض إتجه أولا لبناء منزلك و لا تنظر للخارج فتهمل موقعك ، و من هنا بنسأ سؤال بسيط لكنه في غاية الاهمية ،، هو الباك لينكس لسة مهمة ؟!

 

طبعاُ مهمة جداً  ، لكنها مش بالاهمية اللي تخليك تتفرغلها ، و نصايح جوجل هنا واضحةوصريحة ، لا تكن سيئاً في بناء الروابط ، لا تكن سريعاً ، لا تكن ألة ، بل كن رفيقاً لها ، معتمداً علي الكيفية و ليس الكم ، و هنا نطلع بحاجة مهمة جداُ أوعي تعتمد علي الدومين ليست في بناء روابطك الخلفية عشان إنت كدا بتوقع نفسك بالبطيئ أوي و بتقع و بتوقع نفسك واحدة بواحدة , و من هنا بيطلع سبب تاني من أهم أسباب معاقبة المواقع و هو التسرع في البناء للروابط و اللي هو أخطر مما يمكن أن تتخيله و برضو التبادل الروابطي بين الدومينات يعني نظرية شاور عليا و أشاور عليك و دا اللي بيقول لمحركات البحث و النبي عاقبيني ، و بيقلل جداُ من قيمة موقعك و ترتيبها .

 

لازم تكون هادي مش سطحي في البناء ، مجدد للمحتوي و بتبني الروابط الخلفية ببطئ شديد و إستراتيجية معتمدة علي الكيفية مش الكمية ، لازم تبني روابط في مواقع قوية مش مجرد عدد ، و المعادلة هي إن موقع واحد قوي بيشاور عليك أفضل من عشر مواقع ضعاف بيشاور عليك .  

      Compare items
      • Total (0)
      Compare
      0