fbpx

احترف تصميم المواقع وطريقة تخطيط وتصميم الصفحات

احترف تصميم المواقع وطريقة تخطيط وتصميم الصفحات

بسم الله الرحمن الرحيم
نبدأ اول دروس تصميم موقع انترنت ان شاء الله
احترف تصميم المواقع وطريقة تخطيط وتصميم الصفحات2
أولا : رسم وتخطيط الموقع
اول حاجة بنبدأ نعملها وحاجة من الحاجات الضرورية جدا هي اننا نطلع التصميم بتاعنا على الورق ونرتب افكارنا اللى هانحطها فى التصميم سواء من دماغنا او بناءا على طلبات العميل لحد مانوصل لشكل تقريبى او شبه نهائي للتصور او التخيل اللى احنا عايزينه مبدأيا على الورق.

1- الصفحة الرئيسية : الصفحة الرئيسية هي الصفحة اللى فى الغالب بتحتوي على عمود يمين او شمال او الاتنين وبنعرض فيها مثلا روابط مهمة او بانرات او صور او اى كان ممكن نستعين بيه داخل العواميد او القوائم الجانبية دى.
2- الصفحات الداخلية : ودى بتكون مشابهة او قريبة من الصفحة الرئيسية بأعتبار ان التصميم كله هايمشى ستايل واحد وفى الغالب بردوا بتكون نسخة من الصفحة الرئيسية ماعدا جزء المحتوى يعنى بيكون نفس الهيدر ونفس الفوتر وبنغير فى المحتوى ياما بيكون ليها عواميد او قوائم جانبية او بيكون المحتوى هو المتصدر الصفحة كلها من غير القوائم مع اختلاف طبعا عناصر .

احترف تصميم المواقع وطريقة تخطيط وتصميم الصفحات4
ثانيا : اختيار الالوان وشكل الموقع
ودى اهم مرحلة من مراحل التصميم لان بيتم فيها تصميم الشكل الخارجى للموقع والصفحات الداخلية وبتبدأ تستخدم فيها برامج التصميم المعروفة طبعا زى ( الفوتوشوب – الاليستراتور – الفايرووركس) وفى حاجات كتير طبعا واشهرهم هو الفوتوشوب وفى طريقتين علشان تبدأ المرحلة دى وهي :
1- أول طريقة : تصميم الواجهة والصفحات من الصفر : وده بيتم بأستخدام واحد من برامج التصميم اللى قولنا عليها واهمها طبعا الفوتوشوب زى ماذكرنا. وده طبعا بيتطلب منك كمصمم مواقع انك تكون ملم ومتقن البرنامج بنسبة 60% على الاقل من برنامج الفوتوشوب مثلا وللتذكرة انت مش محتاج تتعلم انك ازاى تعالج الصور او ترممها لانها مش تخصصنا دلوقتى ده اختصاص تانى وحاجة تانية خالص .

2- تانى طريقة :استخدام (Templates) او القوالب الجاهزة للمواقع :

فى كتير من المواقع على الانترنت بتقدملك تصميمات او قوالب جاهزة للتصميم المواقع وفي منها المجانى وفي منها الغير مجانى او بمقابل مادى وبتكون فى الغالب معاها ملفاتها الاصلية يعنى تصميم مفتوح المصدر وكمان فى منها اللى بيكون معاه الكود بتاعه بعد ماتم التصميم واخراجه.
ودى مواقع تقدر من خلالها تجيب مجموعة قوالب جاهزة او تصميمات يعنى مجانية ومن غير تسجيل فى الموقع وهتساعدك مبدأيا علشان هاتقدر تشوف التصميم بيكون متقسم ازاى ونسب التاتش الجمالى بتكون عاملة ازاى
http://www.all-free-download.com/free-psd/full-website-template.html

ولحد هنا احنا عرفنا ايه اهم خطوات بدأ الدخول فى عالم تصميم المواقع وايه البرامج اللى هانشتغل عليها وايه المواقع اللى تقدر تساعدنا للحصول على تصميمات جاهزة ونقدر نتفرج من خلالها على اشكال جديدة ونتابع من خلالها الافكار المختلفة اللى هاتساعدنا على اخراج تصميم محترف وان شاء الله الدرس القادم هانتعمق اكتر ونعرف حاجات اكتر.

      Compare items
      • Total (0)
      Compare
      0