fbpx

إعلانات جوجل أدواردز – الجزء الاول

إعلانات جوجل  :
الفرق بين اعلانات جوجل أدواردز و إعلانات الفيسبوك زي بالظبط الفرق مابين إنك ماشي في مول كبير بتدور علي شوز ماركة معينة و بين إنك ماشي بالصدفة و شوفت ماركة شوز .. أيوا بالظبط الفارق الكبير دا اسمه بالعربي ” الاستهداف ” – ” الاهداف “

تعالي نشوف كدا أول ما قرار الشر ا بيطلع عند أي حد بيعمل إيه ؟!

بيفتح جوجل و يكتب ” موبايل أيفون ” هنا هو دخل يدور علي حاجة هو فعلاً محتاجها ، بعكس ما تكون بتقلب في الفيسبوك و يطلعلك إعلان لنفس الموبايل و هنا انت مش بتدور علي منتج لا دا هو اللي بيدور عليك ، و هنا قيمة إعلانات جوجل ، القيمة هي إنك بتدور علي كلمة بحثية السابلير او البائع أو الشركة هو دافع فيها فلوس عشان تطلع فيها بشكل كبير، و هنا بيتولد الاحتياج للشراء من خلال انك بتشوف هل فعلاً أنا لقيت نتيجة البحث اللي دورت عليها بكلمة مفتاحية .

جوجل مش مجرد بحث ، جوجل منصة تعديل و ترتيب البحث ، لان الكلمات لها أكتر من 25 صفحة ك صفحة فيها ما لايقل عن 10 عمليات بحثية ، و بالتالي الحل هنا هو إنك تلاقي الصفحة اللي بتدور عليها في أول نتائج البحث فعلياً ، و دا دور جوجل و اللي بيتم بلوغاريتمات معينة و طرق بعينها .

أولاً صفحة الانزال  landing page

و دي الصفحة اللي العميل بيتحول فيها من نتيجة بحثه لموقعك ، عن طريق الترابط بين الكلمة المفتاحية و بين الصفحة بتاعت الانزال ، و هنا حدد جوجل ” كواليتي إسكور ” أو نقاط جودة عشان يضمن الوصول الامثل للصفحة دي  :

أولاً  : مدي الترابط بين صفحة الانزال و بين الكلمة المفتاحية :

مينفعش أكتب كلمة مفتاحية و تطلع ملهاش أي علاقة بصفحة الانزال ، يعني لو كتبت موبايل فون مينفعش الاعلان يطلعلي جوة منه عقارات ، بالاضافة لعدم المصداقية ، جوجل بتعتبره خبرة سيئة بالمستخدم بشكل كبير و هو اللي بترفضه .

ثانيا : الترابط بين اللغة البحثية و صفحة الانزال  في  إعلانات جوجل : في مراحل قليلة جداً جوجل بيدي صفحة الانزال المخالفة للغة كواليتي سكور قليل .

ثالثاُ : لابد من ان الزائر يحقق أعلي إستفادة ممكنة من  إعلانات جوجل ، و بالتالي ومن أجل تحسين مستوي البحث بيتم قياس عُمر الزائر في الصفحة ، و هل قعد فترة طويلة و لا قصيرة ؟!

و دا بيعبر من إن كان إستفاد ولا لا ! ، بالاضافة لتوجه جوجل في  الاعلانات للزائر و هل فعلاً حقق الاستفادة  القصوي ؟!

بالتالي تم  التحكم في مدي مشاهدة اللاعلانات و الظهور من خلال نقاط الجودة  أولاً و علي حساب الميزانية ، يعني إن المتحكم الاساسي هو نقاط الجودة ، حتي و إن كنت دافع أكتر ، ملوش معني الفلوس طالما مش مهتم بنقاط الجودة .

ثانياً :  تقييم الاعلان  في إعلانات جوجل :

بيتم تقييم الاعلانات في جوجل تبعاً للزوار ، يعني جوجل بيعتبر تجربة الزائر ” سواء سلبية أو إيجابية  ” أداة لتقييم موقعك ، يعني لو التجربة أفادت الزائر فده بيعتبر أداه جيدة و بالتالي فرص ظهور إعلاناتك بتكون أكبر ، و جيدة و العكس طبعاً ، في مقالة تانية هنتكلم عن أنواع الاعلانات و طرق نشرها بالصور تابعونا !

      Compare items
      • Total (0)
      Compare
      0